Rydym yn gweithio gyda chleientiaid ledled Cymru i
roi’r cymorth wedi’i deilwra y mae ei angen ar unigolion i oresgyn
y rhwystrau presennol sy’n eu hatal rhag gweithio. Hyd yma, mae ein
tîm, sy’n cynnwys mwy na 150 o arbenigwyr, wedi helpu mwy na 18,000
o gleientiaid i ddod o hyd i
waith yng Nghymru
drwy ddarparu cymorth cam wrth gam, o
hyfforddiant cyn
cyflogaeth i gymorth ar ôl cyflogaeth.
Sut yr ydym yn gweithio
Trwy weithio’n agos gydag un o’n
hymgynghorwyr, byddwn yn sicrhau eich bod yn cael y cyngor, y
cymorth a’r hyfforddiant penodol y mae eu hangen arnoch i gyrraedd
eich nod yn y farchnad swyddi. O hyfforddiant rhifedd a
llythrennedd i brofiad gwaith a help i baratoi CV,
byddwn yn gweithio gyda chi i ddarparu’r cyswllt rhyngoch chi a’ch
darpar gyflogwr.
Gyda phwy yr ydym yn gweithio
Rydym yn gweithio gyda chwmnïau yn y sector
cyhoeddus, y sector preifat a’r sector gwirfoddol i sicrhau eich
bod yn cael yr help iawn o ran cyflogaeth a’r
cymorth iawn gyda’ch datblygiad personol.
Rydym yn gweithio yn y sectorau craidd
canlynol:
- Lletygarwch – megis Sieffs, Staff Derbynfa
neu Staff Blaen Tŷ
- Gwasanaethau Cwsmeriaid – Gweithwyr
Canolfannau Galw
- Manwerthu – Cynorthwywyr neu Reolwyr
Gwerthu
- Diogelwch – Goruchwylwyr Drysau neu
Weithredwyr Teledu Cylch Cyfyng
- Gofal Iechyd – Gweithwyr Gofal
Os ydych yn chwilio am waith yng Nghymru ac
os hoffech wybod mwy am sut y gall Working Links eich helpu chi,
cysylltwch â ni.