Susan Hallam – Tre-boeth, Abertawe
“Mae gennyf gydbwysedd
perffaith rhwng gwaith a bywyd yn awr – mae Working Links wedi
gwneud y gwahaniaeth.”
Ar ôl gweithio yn y diwydiant harddwch am fwy
na deng mlynedd ar hugain, gadawodd Susan Hallam, 50, ei gwaith
llawn amser yn 2008 oherwydd ei bod yn dioddef o bryder, iselder a
phyliau o banig. Dywedodd: “Roeddwn i’n sâl am gyfnod, ond nid
oeddwn am gyfaddef hynny wrth fy nheulu. Yna, daeth adeg ychydig
cyn y Nadolig y llynedd a digon oedd digon – roeddwn am fynd i’r
afael â’r broblem.”
Daeth Susan at Working Links yn Abertawe ym
mis Ionawr 2009, ac roedd yn awyddus i wybod mwy am y cymorth
oedd ar gael o ran cyflogaeth. Cyfarfu â Keri Harris,
Ymgynghorydd Working Links, a’i helpodd ar ei thaith tuag at
hunangyflogaeth. Ar ôl cael cymorth mentora ac arweiniad gan
Working Links, cyfarfu Susan ag arbenigwyr busnes i’w helpu i
sefydlu ei busnes therapi harddwch teithiol newydd er mwyn gwneud y
mwyaf o gyfnod y partïon Nadolig.
Meddai Susan: “Lansiwyd Beauty Makeovers @ Home ym mis
Tachwedd, ac rwyf wedi bod yn brysur iawn ers hynny. Mae bod yn
annibynnol yn deimlad gwych ac rwy’n gwybod y caf fy ngwobrwyo os
byddaf yn gweithio’n galed. Mae gennyf apwyntiadau ar gyfer partïon
Nadolig ac mae gair yn mynd ar led am y gwasanaeth. Flwyddyn yn ôl,
ni fyddwn erioed wedi credu y byddwn yn y sefyllfa hon – o ran
iechyd ac o ran gwaith.”