Ein nod yn
Working Links yw rhoi’r cyfle i bawb gymryd rhan mewn dysgu gydol
oes, felly mae ein gwasanaethau hyfforddiant
cyflogaeth yn rhan hanfodol o’r hyn yr ydym yn ei
gynnig.
Hyfforddiant cyn cyflogaeth
Mae’r cyrsiau hyfforddiant cyn
cyflogaeth yng Nghymru wedi’u cynllunio i sicrhau eich bod
yn meithrin y sgiliau penodol sy’n ofynnol gan gyflogwyr, gan roi
nod clir ichi weithio tuag ato a chyfle am swydd ar ddiwedd eich
hyfforddiant. Mae pob un o’n cleientiaid yn cael hyfforddiant
wedi’i deilwra gan ein tiwtoriaid, er mwyn datblygu sgiliau
hanfodol, a chaiff yr hyfforddiant hwnnw ei ddarparu yn unigol neu
mewn grwpiau bach. Gall cleientiaid gael cyngor am yrfaoedd yn
ogystal â hyfforddiant yn y meysydd canlynol:
- Help wrth chwilio am waith yng
Nghymru
- Help gyda sgiliau llythrennedd, rhifedd ac
iaith
- Hyfforddiant i fagu cymhelliant, hyder a
phendantrwydd
- Help i baratoi CV
- Help i baratoi ar gyfer cyfweliadau am
swyddi
- Profiad gwaith yn y lleoliad gyda
chyflogwyr
Cymorth ar ôl cyflogaeth
Mae dod o hyd i waith yn gam pwysig iawn ym
mhroses Working Links ond nid dyna ddiwedd y daith. Yn Working
Links, rydym yn ceisio cynnal perthynas hirdymor â’n cleientiaid,
felly, wedi ichi gael gwaith, byddwn yn sicrhau eich bod yn cael y
cymorth y mae ei angen arnoch i barhau i ddatblygu eich sgiliau.
Drwy hyfforddiant cyflogaeth un i un a
hyfforddiant pellach, gallwn weithio gyda’n gilydd er mwyn ichi
allu parhau i adeiladu ar eich sgiliau a symud ymlaen yn eich
gyrfa.
Cysylltwch â ni os hoffech gael mwy o
wybodaeth am ddechrau chwilio am waith yng Nghymru
neu os hoffech gael manylion am unrhyw rai o’r gwasanaethau
hyfforddiant cyflogaeth sydd ar gael.