O’r eiliad y
byddwch yn dechrau gweithio gyda ni, byddwch yn cael y cymorth
wedi’i deilwra y mae ei angen arnoch er mwyn gallu cyrraedd eich
nod, beth bynnag yw eich sefyllfa. Bydd ymgynghorydd yn cael ei
benodi ichi a fydd yn rhoi cymorth un i un ichi ac yn gweithio drwy
unrhyw rwystrau a allai fod yn eich atal rhag datblygu eich sgiliau
a dod o hyd i waith yng Nghymru. Fel rhan o’r
hyfforddiant cyflogaeth hwn, sydd wedi’i deilwra,
bydd eich ymgynghorydd yn eich cyflwyno i bobl neu sefydliadau
eraill a all helpu gydag unrhyw broblemau penodol a allai fod
gennych.
Bydd eich ymgynghorydd yn gweithio gyda
chi, o asesu eich sefyllfa ar y dechrau i ddarparu cymorth
mentora hirdymor drwy gydol eich hyfforddiant ac yn eich
swydd newydd pan fyddwch wedi dod o hyd i waith. Rydym yn cynnig
ystod o wasanaethau cymorth sydd wedi’u teilwra i unigolion, megis
cymorth gyda chostau cyfweliadau a help gyda threfniadau gofal
plant.
Mae croeso ichi alw i mewn i’n swyddfeydd
neu ein ffonio neu anfon e-bost atom i gael gwybod mwy. Rydym yn
cynnig gwasanaeth cwbl gynhwysol ac mae cyfleusterau yn ein
swyddfeydd i unrhyw un y mae angen cymorth penodol arno, gan
gynnwys cymorth â rhwystrau ieithyddol (mae llawer o aelodau ein
tîm yn siarad Cymraeg) a help i gleientiaid sydd ag anabledd.